Гучны шум стварае дыскамфорт незалежна ад часу сутак, а ноччу і зусім парушае спакой. Часцей за ўсё дапушчальны ўзровень шуму перавышае мотатранспарт. У сувязі з гэтым сталічная Дзяржаўтаінспекцыя нагадвае мотааматарам, што перавышэнне дапушчальнага ўзроўню шуму з’яўляецца парушэннем.

Па заканадаўстве максімальны ўзровень шуму выхлапной сістэмы павінен быць не больш за 96 дэцыбел. Заводы-вытворцы правяраюць гатовы мотатранспарт на адпаведнасць нарматыўна-прававым актам. А гэта значыць, што ўзровень шуму, які выдаецца матацыклам, можа быць перавышаны толькі ў выпадку самастойнага пераабсталявання або ўзнікненні няспраўнасці.

Правілы дарожнага руху, у сваю чаргу, забараняюць удзел у дарожным руху транспартных сродкаў, пераабсталяваных без узгаднення з Дзяржаўтаінспекцыяй у парадку, устаноўленым Міністэрствам унутраных спраў, а таксама транспарту з няспраўнай сістэмай выпуску адпрацаваных газаў.

Парушэнне гэтых патрабаванняў з’яўляецца адміністрацыйным правапарушэннем, за здзяйсненне якога матацыкліст можа быць прыцягнуты да ўсталяванай адказнасці.

У ДАІ таксама нагадалі, што для стварэння камфортных умоў гараджанам і жыхарам сталіцы штодня з 22.00 да 6.00 на ўчастку праспекта Незалежнасці ад вуліцы Свярдлова да плошчы Перамогі, а таксама на ўчастку вуліцы Леніна ад праспекта Незалежнасці да вуліцы Ульянаўскай дзейнічаюць абмежаванні.