Дарожная міліцыя настойліва рэкамендуе быць уважлівымі, глядзець па баках перад тым, як пераходзіць дарогу.

— Пераходзіце дарогу толькі па пешаходным пераходзе, пераканаўшыся, што выхад на праезную частку бяспечны. Спакойна пераходзіце дарогу, не спяшайцеся. Выконвайце сігналы святлафора. Не выходзьце на праезную частку на перарывісты зялёны сігнал святлафора. Пазбягайце выкарыстання мабільных тэлефонаў і навушнікаў падчас пераходу дарогі, — падкрэслілі ў ДАІ.

На адзенні неабходна выкарыстоўваць святлоадбівальныя элементы. Звяртаць увагу на аўтамабілі, якія могуць паварочваць або рухацца з прылеглых тэрыторый.

— Дапамагайце пажылым людзям: калі вы бачыце, што хтосьці мае патрэбу ў дапамозе, прапануйце сваю падтрымку. Захаванне гэтых простых правілаў дапаможа захаваць вашу бяспеку на дарозе, — дадалі ў ДАІ.