Паводле звестак Белгідрамета, сёння на большай частцы тэрыторыі рэспублікі чакаюцца навальніцы, пры навальніцах месцамі - моцныя залевы. Такое надвор'е можа істотна ўскладніць дарожнае становішча. Пры руху падчас моцнага дажджу асцерагайцеся аквапланавання, загадзя змяншайце хуткасць, пазбягайце рэзкіх манеўраў. Усе, хто знаходзіцца ў транспартным сродку, павінны быць прышпілены рамянямі бяспекі, дзеці да 12 гадоў перавозіцца ў спецыяльных утрымлівальных прыладах.

Не паркуйцеся пад дрэвамі, паблізу канструкцый з высокай паруснасцю і слаба замацаваных. Пры пагаршэнні бачнасці ўключыце блізкае святло фар, а калі працягваць рух з-за дажджу немагчыма - спыніцеся за межамі праезнай часткі і ўлучыце аварыйную светлавую сігналізацыю.

Пешаходам у навальніцу не варта хавацца пад адзінока стаячымі дрэвамі і побач з трухлявымі збудаваннямі, трымайцеся далей ад ліній электраперадачы. Пачынаць пераход дарогі трэба толькі пераканаўшыся, што кіроўцы вас заўважылі і паспяваюць спыніцца. Не закрывайце сабе агляд капюшонам, парасонам і іншымі прадметамі. У непагадзь адмоўцеся ад перамяшчэння на сродках персанальнай мабільнасці і веласіпедах.

Супрацоўнікі міліцыі арыентаваны на аказанне дапамогі грамадзянам, забеспячэнне бяспечных умоў дарожнага руху.