На адной з вуліц абласнога цэнтра супрацоўнікі Дзяржаўтаінспекцыі і аддзела прымусовага выканання Савецкага раёна правялі рэйд, падчас якога спынілі аўтамабіль Fiat. За рулём аказаўся мясцовы жыхар, пазбаўлены права кіравання з-за даўгоў, расказалі ў Галоўным упраўленні юстыцыі Гомельскага аблвыканкама.
Як паведамілі ў ДАІ, у адносінах да мужчыны распачата 11 выканаўчых спраў на суму каля 5 500 рублёў. Большая частка запазычанасці — гэта штрафы за парушэнні ПДР.
Нягледзячы на абмежаванні, гамяльчанін працягваў садзіцца за руль. Ён сцвярджаў, што не працягваў вадзіцельскае пасведчанне, бо нібыта перадаў машыну сыну. Аднак у час рэйду менавіта ён кіраваў Fiat.
За кіраванне без правоў мужчыну аштрафавалі па ч.1 арт. 18.14 КаАП. Аўтамабіль арыштавалі і канфіскавалі — яго накіруюць на электронны гандаль. Атрыманыя сродкі пойдуць на пагашэнне запазычанасці.
