Рэкламная індустрыя Кітая прадэманстравала летась упэўнены рост на 17,9 працэнта ў гадавым вылічэнні, а агульны даход перавысіў 1,5 трлн. юаняў, перадае «Сіньхуа».

Сярод усіх відаў рэкламы, уключаючы тэлебачанне, кіно, радыё, газеты і іншыя, інтэрнет-рэклама лідзіравала з высокімі тэмпамі росту, на яе прыпадала найбольшая доля агульных даходаў. Летась яны склалі 891,9 млрд. юаняў, павялічыўшыся на 24 працэнты ў параўнанні з мінулым годам. Гэтая лічба склала 86,5 працэнта ад агульнага даходу ад рэкламы на ўсіх медыяплатформах, паводле даных Дзяржаўнага ўпраўлення па рэгуляванні рынку КНР — галоўнага рэгулятара рынку ў Кітаі.

Улічваючы цесную сувязь паміж рэкламнай індустрыяй і рэальным сектарам эканомікі, больш за 10 адміністрацыйных раёнаў правінцыйнага ўзроўню Кітая вылучылі ў мінулым годзе па больш чым 10 млрд. юаняў на падтрымку прадпрыемстваў і фермераў у стварэнні іх брэндаў. Гэтая ініцыятыва спрыяла росту ўнутранага спажывання.