Паводле папярэдняй інфармацыі, сёння днём вадзіцель аўтамабіля Hyundai, рухаючыся па вуліцы Ваўпшасава, паблізу дома № 3б, не саступіў дарогу аўтамабілю Ford, які рухаўся ў спадарожным кірунку. Вадзіцель Ford прадпрыняў меры, каб пазбегнуць сутыкнення, і наехаў на святлафорны аб’ект. Ад удару Ford адкінула на аўтамабіль Hyundai, вадзіцель якога парушыў правілы манеўравання.

У выніку ДТЗ ніхто не пацярпеў, але транспартныя сродкі атрымалі механічныя пашкоджанні.