«Відавочна, гарматы брытанскага паходжання, вядомыя па характэрных дэталях, такіх, як кольца Бломфілда», — адзначыў падводны археолаг і кіраўнік праекта Фларыян Хубер. У прыватнасці, гаворка ідзе пра 12-фунтавыя гарматы і каранады, датаваныя прыкладна 1800 годам. Гарматы раскіданы па ўсім Гельгаландскім рэйдзе ў паўночнай частцы праліва паміж галоўным востравам і дзюнай, на камяністым грунце. Як растлумачыў Хубер, гэта дапаўняе папярэднія знаходкі 1990-х гадоў і пацвярджае важнасць вострава як былой брытанскай ваеннай базы.

Вадалазы выявілі месцазнаходжанне гармат падчас даследаванняў, якія праводзяцца кампаніяй Submaris пры падтрымцы рабочай групы па марской геафізіцы і гідраакустыцы Кільскага ўніверсітэта. У ходзе даследаванняў выкарыстоўваліся тэхналогіі 3D-мадэлявання.

Даследчыкі мяркуюць, што брытанскі флот наўмысна затапіў гарматы каля берагоў Гельгаланда да перадачы вострава Германскай імперыі ў 1890 годзе. Да таго часу яны ўжо былі тэхнічна састарэлымі. Гельгаланд быў заселены фрызамі — прадстаўнікамі аднаго з невялікіх германскіх народаў — і належаў герцагству Шлезвіг з 1402 года, затым -- Даніі і Вялікабрытаніі, а з 1890 года — Германскай імперыі ў абмен на гандлёвыя інтарэсы ў Афрыцы (Занзібар).