Да 25 градусаў цяпла чакаецца ў панядзелак, 11 жніўня, у Беларусі. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Спецыялісты папярэджваюць аб неспрыяльных гідраметэаралагічных з’явах, аб’яўлены аранжавы ўзровень небяспекі.
У панядзелак ноччу і раніцай на большай частцы тэрыторыі краіны чакаюцца кароткачасовыя дажджы, днём пераважна без ападкаў. У начныя гадзіны ў многіх раёнах — навальніцы, месцамі — моцныя ліўні. Вецер паўночна-заходні ад умеранага да парывістага, месцамі моцны парывісты, ноччу пры навальніцах у асобных раёнах шквалістае ўзмацненне ветру парывамі 15-20 м/с.
Па прагнозе — пераменная воблачнасць. Тэмпература паветра мінімальная ноччу — 10-16 градусаў цяпла, максімальная днём — да 25 вышэй за нуль.
