Дажджы, месцамі моцныя, і да 18 градусаў цяпла прагназуюць у Беларусі 21 верасня. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак будзе воблачнае надвор’е, днём з праясненнямі. Ноччу і раніцай часам пройдуць дажджы. Днём месцамі, а на ўсходзе на большай частцы тэрыторыі чакаюцца дажджы, у асобных раёнах моцныя. Вецер прагназуецца паўднёва-заходні, заходні ўмераны, месцамі парывісты.
Тэмпература паветра ноччу складзе 8-14 градусаў, днём паветра прагрэецца да 13-18 градусаў.
