Адмоўнае сальда знешняга гандлю Украіны за першыя 10 месяцаў 2026 года склала $51,7 млрд. Аб гэтым сведчыць справаздача Дзяржаўнай мытнай службы краіны, піша ТАСС.

Па даных ведамства, за перыяд студзень — кастрычнік Украіна імпартавала тавараў на агульную суму $ 84,16 млрд, і ў гадавым вылічэнні імпарт вырас на 24%, а экспарт склаў $ 32,4 млрд і паменшыўся на 2% у параўнанні з аналагічным перыядам 2025 года.

Асноўная частка імпарту прыпала на машыны, абсталяванне, транспарт, паліўна-энергетычную і хімічную прадукцыю. Аснову экспарту склалі харчовыя тавары, металы і вырабы з іх. Пры гэтым Дзяржаўная мытная служба фіксуе зніжэнне на 21% у гадавым вылічэнні агульнага кошту ўкраінскага экспарту металаў і вырабаў з іх.

Знешнегандлёвы дэфіцыт Украіны толькі ў кастрычніку дасягнуў $6,3 млрд, а кошт імпарту амаль у тры разы перавысіў кошт экспарту. Як адзначае ўкраінскае выданне «Мінфін», гэты паказчык стаў рэкордным. Прычынамі пагаршэння гандлёвага балансу выданне называе блакіраванне марскіх экспартных шляхоў і абмежаваныя магчымасці альтэрнатыўных шляхоў вывазу прадукцыі.