Паводле слоў парламентарыя, харчовая незалежнасць краіны сапраўды вельмі важная, паколькі гэта — асноўныя трэнды і элементы ўстойлівасці беларускай дзяржавы. «Ідзе вельмі добрая дыскусія не толькі на самой пляцоўцы Усебеларускага народнага сходу, але і ў кулуарах, — заўважыў Валянцін Семяняка. — Людзі камунікуюць, абменьваюцца меркаваннямі, дзеляцца ўражаннямі. Гэта вельмі важна, таму што літаральна заўтра веерам па краіне разыдуцца гэтыя меркаванні, будзе ісці далейшая дыскусія, абмеркаванне тых пытанняў, якія былі вырашаны і тых, якія яшчэ трэба будзе вырашыць. Гэта вельмі важна для таго, каб мы разумелі тыя задачы, якія стаяць перад краінай і механізмы іх вырашэння». 

Суразмоўца таксама адзначыў, што пасля заканчэння УНС дэпутаты Палаты прадстаўнікоў паедуць у свае выбарчыя акругі і будуць працаваць з выбаршчыкамі. «Мы будзем тлумачыць сваім выбаршчыкам матэрыялы Усебеларускага народнага сходу, Праграму сацыяльна-эканамічнага развіцця Беларусі на 2026-2030 гады», — падкрэсліў дэлегат. 

Валянцін Семяняка звярнуў увагу, што аналізаваць грамадскае меркаванне ў дачыненні да ўсіх працэсаў, якія адбываюцца ў краіне, у тым ліку і ў дачыненні да гэтага найважнейшага форуму, — гэта тая задача, якую паставіў кіраўнік дзяржавы ў Пасланні да беларускага народа і Парламента. Дэпутат таксама адзначыў, што ў апошнія гады назіраецца актывізацыя цікавасці грамадзян да палітычных працэсаў, якія адбываюцца ў нашай краіне і за мяжой. «Людзі ўсё часцей задаюць пытанні аб тым, як ідзе заканатворчы працэс, як працуюць дэлегаты Усебеларускага народнага сходу ў перыяд паміж пасяджэннямі, як рэалізуюцца рашэнні гэтага найвышэйшага дзяржаўнага органа. Гэта значыць, уцягванне грамадзян у палітычныя працэсы вельмі прыкметна», — рэзюмаваў ён.

Яна ВАЛАСАЧ

Фота Лізаветы ГОЛАД