Форум праводзіцца пад старшынствам віцэ-прэзідэнта, Прэм’ер-міністра ААЭ і Кіраўніка Дубая шэйха Мухамеда бен Рашыда Аль Мактума для абмену вопытам і перадавымі практыкамі ў галіне барацьбы са злачыннасцю, аховы правапарадку і забеспячэння грамадскай бяспекі.
У мерапрыемстве бяруць удзел прадстаўнікі праваахоўных органаў з больш як 110 дзяржаў. Сярод іх — звыш 100 кіраўнікоў сілавых ведамстваў, а таксама прадстаўнікі профільных міжнародных і рэгіянальных структур. На парадку дня — актуальныя аспекты сумеснай дзейнасці і паглыбленне партнёрскіх сувязяў у сферы супрацьдзеяння злачыннасці.
Дарэчы, асаблівай увагі заслугоўвае высокі ўзровень узаемадзеяння паміж міністэрствамі ўнутраных спраў Беларусі і ААЭ. За апошнія гады праведзены шэраг працоўных сустрэч кіраўнікоў ведамстваў — Івана Кубракова і шэйха Саіфа бен Заіда Аль Нахаяна. У тым ліку былі падпісаны міжурадавыя Пагадненне аб супрацоўніцтве ў галіне бяспекі і барацьбы з тэрарызмам і Мемарандум аб узаемным прызнанні і абмене вадзіцельскімі пасведчаннямі. У прапрацоўцы яшчэ некалькі маштабных дакументаў.
Аміна НАЗАРАВА
Фота МУС Беларусі