У Год беларускай жанчыны ў праграму «Мінскай лыжні» ўпершыню ўвайшла гонка выключна для прадстаўніц прыгожага полу — «сНЕЖНАЯ ЭСТАФЕТА». На старт лыжнага забегу выйшлі 20 каманд, якія прадстаўляюць органы ўлады, выканаўчыя камітэты, партыі і грамадскія аб’яднанні.

«Арганізаваць жаночую эстафету напярэдадні свята — цудоўная ідэя. Я адчула толькі станоўчыя эмоцыі, надвор’е парадавала, усе ўдзельніцы змагаліся за першае месца. Дыстанцыя магла быць даўжэйшай, мы нават не паспелі ўвайсці ў смак. Хацелася б наступным разам яшчэ і пастраляць, у гонках павінны быць агнявыя рубяжы, — адзначыла Сцепусь. — Выдатна, калі такія спартыўныя падзеі праводзяцца з душой, у дзяўчат ёсць магчымасць быць актыўнымі і развіваць лыжныя навыкі».

Перамогу ў «сНЕЖНАЙ ЭСТАФЕЦЕ» атрымала трыа з Федэрацыі прафсаюзаў Беларусі. Каманда Нацыянальнага сходу Рэспублікі Беларусь з удзелам Вольгі Сцепусь замкнула шасцёрку наймацнейшых.