Парламентарыі правядуць асабістыя прыёмы грамадзян і прадстаўнікоў юрыдычных асоб. Інфармацыю аб графіку прыёмаў можна даведацца на персанальных сайтах дэпутатаў і сайтах раённых выканаўчых камітэтаў.

У адпаведнасці з даручэннем кіраўніка дзяржавы парламентарыі вывучаць сацыяльна-эканамічную сітуацыю ў пасёлках гарадскога тыпу, стан прамысловай і сельскагаспадарчай вытворчасці, пытанні інфраструктуры і дэмаграфіі для вызначэння далейшых перспектыў развіцця малых населеных пунктаў краіны. Будзе таксама працягнуты маніторынг гандлёвых аб’ектаў у частцы стварэння ўмоў для пашырэння асартыменту тавараў айчыннай вытворчасці і павелічэння аб’ёмаў іх продажу.

Акрамя таго, дэпутаты правядуць шэраг мерапрыемстваў у рамках праграмы міжнароднага і міжпарламенцкага супрацоўніцтва Палаты прадстаўнікоў, а таксама прымуць удзел у акцыях, прымеркаваных да 40-й гадавіны аварыі на Чарнобыльскай АЭС.