Парламентарыі правядуць асабістыя прыёмы грамадзян і прадстаўнікоў юрыдычных асоб, інфармацыйныя сустрэчы ў працоўных калектывах і з насельніцтвам па месцы жыхарства. Тэма сустрэч — «Беларусь суверэнная: ад аднаўлення народнай гаспадаркі да інавацыйных праектаў будучыні».

Дэпутаты прадоўжаць вывучэнне асартыменту тавараў і маніторынг цэн на сацыяльна значныя тавары на аб’ектах гандлю і ў арганізацыях сеткі Беларускага рэспубліканскага саюза спажывецкіх таварыстваў, а таксама лекавыя прэпараты ў розных аптэках і гандлёвых кропках.

Акрамя таго, парламентарыі прааналізуюць пытанні, звязаныя з рэалізацыяй мясцовых грамадзянскіх ініцыятыў, мерапрыемстваў па навядзенні парадку на зямлі ў рамках Года добраўпарадкавання, арганізацыяй летняга аздараўлення дзяцей, падрыхтоўкай да пачатку новага навучальнага года і ходам уборачнай кампаніі.