У адпаведнасці з пратаколам грамадзяне Беларусі і грамадзяне Расіі, якія пастаянна пражываюць на тэрыторыі іншай дзяржавы — удзельніка Дагавора аб стварэнні Саюзнай дзяржавы ад 8 снежня 1999 года, могуць удзельнічаць у мясцовых выбарах (абіраць і быць абранымі ў адпаведныя органы мясцовага самакіравання).

Акрамя таго, прыводзяцца ў адпаведнасць палажэнні Дагавора паміж Рэспублікай Беларусь і Расійскай Федэрацыяй аб роўных правах грамадзян ад 25 снежня 1998 года з нарматыўнай прававой базай Саюзнай дзяржавы і заканадаўствам аб прававым становішчы замежных грамадзян і асоб без грамадзянства ў Беларусі і Расіі.

Паводле інфармацыі Пастаяннай камісіі па дзяржаўным будаўніцтве, мясцовым самакіраванні і рэгламенце Палаты прадстаўнікоў, праект закона падрыхтаваны ў мэтах выказвання згоды Рэспублікі Беларусь на абавязковасць для яе пратакола аб унясенні змяненняў у дагавор паміж Рэспублікай Беларусь і Расійскай Федэрацыяй аб роўных правах грамадзян ад 25 снежня 1998 года, падпісанага ў Маскве 13 сакавіка 2025 года.

Фота Мікалая Пятрова