Даследаванне ЕАБР «Складская інфраструктура Еўразійскага рэгіёна: магчымасць дзесяцігоддзя» паказвае, што кампаненты попыту на складскую інфраструктуру да 2040 года істотна зменяцца. Што стане найбольш прывабным?

— Інвестыцыі ў высокатэхналагічныя спецыялізаваныя склады: аб’екты для электроннай камерцыі і 3PL з глыбокай лічбавізацыяй і аўтаматызацыяй, размеркавальныя цэнтры ў буйных агламерацыях і рэгіёнах і рашэнні «апошняй мілі». Таксама — склады халоднага ланцуга, якія забяспечваюць астуджэнне, замарозку і захоўванне прадукцыі АПК, альбо стабільны тэмпературны рэжым на ўсіх этапах лагістыкі лекавых сродкаў і іх кампанентаў, — пракаменціравалі ў фінансавай установе. 

На думку аналітыкаў, патрэба ў складах для электроннага гандлю можа павялічыцца з 2,9 мільёна да 22,8-27,3 мільёна «квадратаў» у залежнасці ад сцэнарыя. 

— У АПК да 2040 года чакаецца дадатковы попыт на 4,2–6,4 мільёна «квадратаў», фармацэўтычны сектар сфарміруе прырост патрэбы на ўзроўні 1-1,2 мільёна, у рознічным гандлі попыт можа вырасці з 54,6 мільёна ў 2025 годзе да 72,4–86,9 мільёна квадратных метраў да 2040 года, — прагназуюць у ЕАБР. 

Эксперты лічаць, што ў выніку апераджальнага росту доля складоў электроннай камерцыі да 2040-га можа павялічыцца з цяперашніх 5 % да 22-23 %, за кошт зніжэння долі рознічнага гандлю з 94 % да прыкладна 70 %. А долі высакаякасных складоў у сектарах АПК і фармацэўтыкі з бягучых мінімальных значэнняў патэнцыяльна вырастуць да 5,7 % і 1,3 % адпаведна.