Пажар у храме святога Архангела Міхаіла, размешчаным у аграгарадку Сцяпанкі, адбыўся днём у чацвер, 24 ліпеня.

«У Сцепанках Жабінкаўскага раёна гарыць царква. Ратавальнікі працуюць на месцы здарэння», — гаворыцца ў паведамленні.

Мяркуючы па відэа з месца здарэння, агонь практычна цалкам знішчыў будынак XVIII стагоддзя.

Адзначаецца, што царква пасля пажару будзе ўключана ў пералік культавых аб’ектаў, якія падлягаюць рэканструкцыі ў 2026-2030 гадах.

Міхайлаўская царква ў Сцепанках з’яўляецца помнікам драўлянага дойлідства і ўключана ў спіс гісторыка-культурных каштоўнасцяў Беларусі. Барочны драўляны храм быў пабудаваны ў 1780 годзе, у пачатку XX стагоддзя быў адрэстаўраваны, у 1914-м да яго прыбудавалі званіцу.

Іканастас, які і размяшчаўся ў храме, быў зроблены ў 1830-х. У царкве захоўвалася некалькі старажытных абразоў XVIII і XIX стагоддзяў.