Першы вытворчы корпус індустрыяльнага парка, які з’яўляецца філіялам Брэсцкага навукова-тэхналагічнага парка, увялі ў эксплуатацыю ў гэтым чэрвені. Праект рэалізаваны з выкарыстаннем перадавых падыходаў, з прымяненнем сучасных будаўнічых матэрыялаў. Гэта, а таксама прэферэнцыйныя ўмовы для дзейнасці рэзідэнтаў выклікала цікавасць у прадстаўнікоў малога і сярэдняга прадпрымальніцтва. Работы па другім корпусе пачалі ў канцы гэтай вясны. Яго ўвод у строй намечаны на першае паўгоддзе 2026 года. 

Па выніках конкурснага адбору для работы ў двух карпусах індустрыяльнага парка вызначаны шэсць рэзідэнтаў. Напрыклад, яны будуць займацца вытворчасцю прамысловага вентыляцыйнага абсталявання, нізкавольтных камплектных устройстваў і перасоўных мабільных станцый сотавай сувязі, вырабам фасадных і аддзелачных матэрыялаў, высакаякасных дэталяў і вузлоў для прыбора- і робатабудавання, аднаразовага папяровага посуду.

«Цяпер рэзідэнтамі першага корпуса вядзецца работа па пастаўцы і мантажы абсталявання. Прыступіць да работ плануюць да канца года, — сказаў Максім Антанюк. — Конкурс па выбары рэзідэнтаў другога корпуса праведзены ў жніўні 2025 года». Будаўніча-мантажныя работы па трэцяй чарзе індустрыяльнага парку плануюць пачаць у гэтым лістападзе.

Работы на аб’екце фінансуюцца з некалькіх крыніц: з рэспубліканскага бюджэту і інавацыйнага фонду Брэсцкага аблвыканкама. Праект абазначана рэалізаваць у 2022—2028 гадах. 

У Брэсцкай вобласці будуюць яшчэ адзін індустрыяльны парк — у Пінску.