Гэта яркая падзея года цалкам адлюстроўвае самабытную гісторыю, шматвекавы побыт і гасцінны дух рэгіёна. 

Феномен дрыбінскага фэсту — у глыбокай пашане да аўтэнтычнага шапавальства і ў дакладным аднаўленні духу славутых кірмашоў пазамінулага стагоддзя. Менавіта гэта жывая спадчына зрабіла рэгіён вядомым брэндам, які ведаюць і цэняць далёка за межамі Беларусі.

Свята збярэ на адной пляцоўцы майстроў, народных умельцаў і творчых людзей з усіх куткоў Беларусі. Гасцей чакаюць аўтэнтычныя тэматычныя падворкі, выставы ўнікальных рукатворных вырабаў і маштабны абмен прафесійным вопытам. 

Праграма юбілейных «Таржкоў» уражвае сваёй разнастайнасцю: урачыстыя шэсці ўдзельнікаў і каларытны «Горад майстроў», эксклюзіўныя рамесныя майстар-класы, тэатралізаваныя паказы і конкурсы. Атмасферу сапраўднага беларускага кірмашу дапоўняць каларытныя выступленні музыкантаў і спеўных калектываў.

Для самых юных наведвальнікаў падрыхтаваны інтэрактыўныя зоны, гульнявыя пляцоўкі і творчыя спаборніцтвы. Яркай фінальнай кропкай юбілейнага фэсту стане выступленне заслужанай артысткі Рэспублікі Беларусь Вікторыі Алешка і шоу-балета «Феерыя», начная дыскатэка, фаер-шоу і святочны феерверк.

Марыя КАЛІНА
Фота БелТА