Хакеісты мінскага «Дынама» з перамогі пачалі чарговую выязную серыю ў рэгулярным чэмпіянаце КХЛ сезона-2026/27, паведамляе БелТА.
22 лістапада падапечныя Сяргея Брыліна гасцілі ў Астане ў «Барыса». Супрацьстаянне сталічных клубаў суправаджалася шматлікімі парушэннямі правілаў, на дваіх сапернікі зарабілі больш за 25 мінут малога штрафу. У кожным з перыядаў хакеісты абедзвюх каманд атрымлівалі выдаленні за сутыкненні, але пры гэтым ні адну са спроб гульні ў большасці «зубры» і «ірбісы» не рэалізавалі.
Лік у паядынку быў адкрыты гаспадарамі якраз у сярэдзіне другой трэці, але незадоўга да адыходу на перапынак Сэм Энас зраўняў лічбы. На 49-й мінуце сустрэчы амерыканскі форвард «Дынама» аформіў дубль і тым самым прынёс гасцям перамогу — 2:1. Галкіпер «зуброў» Зак Фукале адбіў 35 з 36 кідкоў ігракоў «Барыса».
Мінчане набралі 31 ачко і вярнуліся ў топ-8 Заходняй канферэнцыі, столькі ж балаў у «Шанхайскіх Драконаў» і маскоўскага «Дынама». Наступны паядынак наша каманда правядзе 24 лістапада ў Магнітагорску супраць лідара Усходу «Металурга».