«Гэта вельмі сур’ёзная праблема. Часы вельмі цяжкія. Чалавек, які з’яўляецца галоўнакамандуючым узброенымі сіламі, не можа мець такіх залежнасцяў, звычак, з-за якіх ён не можа прымаць цалкам усвядомленыя рашэнні, — заявіў прэзідэнт Польшчы, адказваючы на пытанне ці падтрымлівае ён правядзенне тэставанняў на наяўнасць забароненых рэчываў сярод кандыдатаў у прэзідэнты. — Я думаю, было б цалкам разумна, калі б такое пытанне сапраўды правяралася».

Дуда таксама заявіў, што сам ён не праходзіў падобных тэстаў, аднак гатовы зрабіць гэта ў любы момант.

Прэзідэнт Польшчы таксама адзначыў: «Нікацінавая залежнасць вельмі непрыемная, паколькі чалавек мае патрэбу ў гэтым нікаціне. Гэта, безумоўна, нездаровае рэчыва, і я думаю, што сам Караль Наўроцкі таксама шкадуе, што ўжывае яго». «Мяне засмуціў той факт, што ў мяне была нікацінавая залежнасць, бо гэта мяне турбавала. На шчасце, мне ўдалося ад гэтага вызваліцца пасля цяжкай барацьбы», — дадаў Дуда.

18 мая ў Польшчы адбыўся першы тур прэзідэнцкіх выбараў. Паводле яго вынікаў у другі тур, які пройдзе 1 чэрвеня, выйшлі Кароль Наўроцкі (29,54%), які прадстаўляе партыю «Права і справядлівасць», і кандыдат ад кіроўнай «Грамадзянскай кааліцыі», мэр Варшавы Рафал Тшаскоўскі (31,36%).

Увечары, 23 мая, паміж кандыдатамі прайшлі тэледэбаты. У нейкі момант Наўроцкі паклаў у рот нейкі пакецік, што выклікала хвалю каментароў у інтэрнэце. Многія каментатары падазраюць Наўроцкага ва ўжыванні наркатычных сродкаў. Сам кандыдат растлумачыў, што ўжыў нікацінавы пауч.