Прэзідэнты Беларусі і Расіі Аляксандр Лукашэнка і Уладзімір Пуцін 26 лютага ў Маскве прынялі ўдзел у пасяджэнні Вышэйшага дзяржаўнага савета Саюзнай дзяржавы. Марат Маркаў нагадаў словы кіраўніка беларускай дзяржавы аб тым, што ў саюзным будаўніцтве нашы краіны ідуць «ад жыцця», прыступаючы да больш высокага ўзроўню інтэграцыі.

— Тыя рашэнні, якія прымаюцца, у тым ліку тыя, якія былі агучаны на пасяджэнні ВДС, у першую чаргу зыходзяць з галоўнага крытэрыю — думаць пра людзей. І наогул, любая эканоміка заснавана на тым, што, калі яна развіваецца, павышаецца ўзровень жыцця чалавека. Гэта два непарыўна звязаныя паняцці, — падкрэсліў міністр.

Ён нагадаў, што 2 красавіка адзначаецца 30‑годдзе Дагавора аб утварэнні Супольнасці Беларусі і Расіі.

— Саюзная дзяржава даўно пабудавана, гэта факт. Але сёння ідзе інтэнсіфікацыя развіцця, у тым ліку эканамічных сувязяў. Гэта значыць будаўніцтва не заканчвалася, яно працягваецца. Мы не спачываем на лаўрах. Ні ў каго з тых, хто прысутнічаў на пасяджэнні ВДС, няма сумненняў у тым, што вельмі важныя дзве суверэнныя дзяржавы як саюзнікі адзін аднаго. У сферы эканомікі, бяспекі... Гэта прамы і відавочны адказ для нашых апанентаў, якія спрабуюць палохаць Беларусь. Для Расіі вельмі важна мець у якасці надзейнага саюзніка менавіта суверэнную, незалежную краіну, — дадаў кіраўнік Мінінфарма.

Марат Маркаў таксама звярнуў увагу, што санкцыі, якія ўводзяцца Захадам, толькі яшчэ больш зблізілі Беларусь і Расію, спрыялі ўмацаванню інтэграцыі. 

— Сувязь Мінска і Масквы ўмацавалася, і яна становіцца толькі мацнейшай. На гэтага саюзніка можна спадзявацца ў цяжкую хвіліну, — падкрэсліў госць праграмы.