ДТЗ з удзелам трох аўтамабіляў адбылося ў раёне 35-га км знешняга кальца МКАД вечарам 5 лістапада, паведамляе «Мінск-Навіны».
Паводле папярэдняй інфармацыі, 58-гадовы вадзіцель мікрааўтобуса Peugeot пры перастраенні ўчыніў сутыкненне са спадарожным легкавушкам Lada. Ад удару апошняе з транспартных сродкаў адкінула на мікрааўтобус Mercedes.
У выніку здарэння ніхто не пацярпеў, транспартныя сродкі атрымалі механічныя пашкоджанні.
