Сышчыкі Віцебшчыны затрымалі двух пасрэднікаў тэлефонных махляро. Пра гэта паведамляе тэлеграм-канал МУС Беларусі.

Міліцыяй устаноўлена, што пенсіянерцы з Глыбокага ў месенджары патэлефанаваў нібыта супрацоўнік кампаніі па ўстаноўцы дамафонаў. Пад відам «планавай замены чыпаў» запрасіў яе асабістыя дадзеныя. Крыху пазней паступіў званок ужо ад ілжэправаахоўніка, які пераканаў жанчыну паведаміць усе рэквізіты банкаўскіх карт, коды з SMS і пін-коды.

Атрыманыя падчас двух званкоў звесткі дазволілі аферыстам падмануць пенсіянерку. З яе рахункаў было знята больш за 80 тысяч рублёў. Грошы канвертавалі ў крыптавалюту і паспрабавалі перавесці арганізатарам за мяжу.

Аднак аператыўнікі паспелі канфіскаваць частку выкрадзеных грошай і ўсю лічбавую валюту.

Следчымі ўзбуджана крымінальная справа за крадзеж маёмасці шляхам мадыфікацыі камп’ютарнай інфармацыі ў асабліва буйным памеры. Фігурантам пагражае да 12 гадоў пазбаўлення волі.

Начальнік аддзела КПК УУС Віцебскага аблвыканкама Дзмітрый Адынец нагадвае, што супрацоўнікі праваахоўных органаў, банкаўскіх і іншых устаноў не тэлефануюць грамадзянам у месенджарах. Калі невядомыя па тэлефоне патрабуюць здзейсніць якія-небудзь маніпуляцыі з вашымі фінансамі (задэклараваць, пакласці на бяспечны рахунак, аддаць кур’еру і г.д.) — неадкладна спыніце размову і паведаміце пра гэта ў міліцыю!