Пра гэта агенцтву DPA паведаміў менеджэр 31-гадовай спартсменкі.

Дальмаер трапіла пад каменяпад у панядзелак, 28 ліпеня, апоўдні па мясцовым часе на вышыні каля 5700 м. З-за ўмоў надвор’я і высокай рызыкі каменяпадаў, якая захоўваецца, дабрацца да яе змаглі толькі некалькі гадзін таму.

Няшчасны выпадак адбыўся, калі Дальмаер са сваім напарнікам па звязку здзяйсняла ўзыходжанне на пік Лайла вышынёй 6069 м.

Былая біятланістка была сертыфікаваным горным і гарналыжным гідам, дзеючым супрацоўнікам горнавыратавальнай службы і лічылася дасведчаным альпіністам.

Дальмаер заваявала на Алімпіядзе ў Пхёнчхане золата ў спрынце і гонцы праследавання, а таксама бронзу ў індывідуальнай гонцы. Акрамя таго, яна з’яўляецца сяміразовай чэмпіёнкай свету. Кар’еру Дальмаер завяршыла ў 2019 годзе ва ўзросце 25 гадоў.

Апроч заняткаў альпінізмам і скалалажаннем, былая біятланістка ў апошні час працавала тэлевізійным экспертам на канале ZDF.