Двухразовая алімпійская чэмпіёнка па біятлоне немка Лаура Дальмаер знікла ў гарах Пакістана. У панядзелак, 28 ліпеня, спартсменка здзяйсняла ўзыходжанне разам з напарніцай. Па дадзеных агенцтва DPA, на вышыні каля 5,7 тысяч метраў спартсменка трапіла пад каменяпад.
Напарніца біятланісткі адразу падала сігнал бедства, пасля чаго пачалася пошукава-выратавальная аперацыя. З-за ўзнікшых цяжкасцей да спартсменкі пакуль не ўдалося дабрацца.
У аўторак вечарам пошукава-выратавальная аперацыя Лауры Дальмаер была прыпынена з-за наступлення цемры. Яна аднавілася ў сераду, 30 ліпеня, раніцай. Пры сабе ў спартсменкікі можа быць мінімум рыштунку.
З-за аддаленасці мясцовасці выратавальны верталёт не адразу змог дабрацца да месца здарэння. Як паведамляецца, ратавальнікі бачылі месца здарэння толькі з верталёта.
Дальмаер — двухразовая алімпійская чэмпіёнка. На яе рахунку таксама сем перамог на чэмпіянатах свету. Нядаўна біятланістка завяршыла спартыўную кар’еру.
