Як адзначыла Святлана Кашыцкая, халодныя супы дапамагаюць пазбегнуць абязводжвання. 

— Іх аснова — кефір, квас, мінералка, сюды дадаюцца агародніна. Гэта ўсё забяспечвае папаўненне страт вадкасці. Яшчэ адна перавага — вітаміны без тэрмаапрацоўкі. Агуркі, радыска, зеляніна ў халадніку захоўваюць максімум карысных рэчываў. У ліку плюсаў таксама нізкая каларыйнасць, калі вы, вядома, не дадаеце маянэз. Гэта важна для тых, хто сочыць за вагой. Акрамя таго, такія супы спрыяюць паляпшэнню стрававання. Аднак улічвайце, што яны могуць і нашкодзіць. Напрыклад, людзям з абвастрэннем гастрыту ці язвы. У такіх выпадках лепш пракансультавацца з урачом, — падкрэсліла дыетолаг.

Яна расказала, як зрабіць халаднік больш карысным:

— Вазьміце менш каларыйны кефір, хатні квас без цукру ці мінералку з лімонам. Дадайце бялок — адварную курыную грудку, тварог, бабы. Таксама памятайце пра агародніну: радыска, агуркі, зеляніна, замест бульбы можна ўзяць дайкон. Яшчэ адзін лайфхак: дадайце сталовую лыжку аліўкавага алею, бо вітаміны з вашай стравы лепш засвояцца. Заменіце смятану на грэцкі ёгурт. Выкарыстоўвайце лёд з адвара пятрушкі для астуджэння замест вады.

Пры гэтым Святлана Кашыцкая дадала, што абястлушчаны кефір браць не варта. 

— Але пры гэтым не трэба ператвараць суп у каларыйную бомбу. Многія любяць дадаваць маянэз, але я раю замяніць яго на ёгурт з дабаўленнем гарчыцы. Таксама часта дадаюць тоўстае мяса, каўбасу. Рэкамендую замяніць на індычку, курыцу ці тофу, — падзялілася парадамі дыетолаг.