«У выніку аварыі на Чарнобыльскай АЭС больш за 700 тыс. га было выведзена з сельскагаспадарчага абароту. Так, каля 20% тэрыторыі ў нас аказалася ў статусе пацярпелай. Для любой краіны такі працэнт яе тэрыторыі — гэта неверагодна велізарная лічба. І, адпаведна, гэта адбіваецца на сацыяльна-эканамічным развіцці, на аграпрамысловым комплексе, які таксама нясе адчувальныя страты. І наша ўся саракагадовая дзейнасць у першую чаргу была накіравана на забеспячэнне бяспекі жыццядзейнасці чалавека на гэтых тэрыторыях, вядзення на іх сельскай гаспадаркі, каб зрабіць землі даступнымі для апрацоўкі, вырошчвання і атрымання экалагічна чыстай прадукцыі, якая адпавядае ўсім гранічна дапушчальным узроўням, — адзначыў Ігар Чэшык. — На сёння ўведзена прыкладна 21 тыс. га пацярпелых зямель назад у абарот. У цэлым гэта работа вядзецца актыўна і пастаянна. І гэта складаны, шматузроўневы працэс, які пачынаецца з аграхімічнага і радыялагічнага аналізу глеб. Затым ідзе шматступенная работа на ўзроўні розных міністэрстваў і ведамстваў, і канчатковае рашэнне аб увядзенні нейкіх зямель у сельскагаспадарчы абарот прымаецца Саветам Міністраў».