Па словах начальніка УБЭЗ ГУУС Мінгарвыканкама Аляксея Андручонкі, праваахоўнікамі ўстаноўлена, што мужчына, з’яўляючыся дырэктарам будаўнічага прадпрыемства, атрымаў каля 20 тысяч еўра ад кіраўніка адной прыватнай фірмы. Узамен абяцаў забяспечыць выйгрыш у тэндэры на пастаўку спартыўных трэнажораў для гарадскога грамадскага комплексу.

Фігурант сам назваў прадпрымальніку суму, адзначыўшы, што іншым шляхам у конкурсе не перамагчы. Для канспірацыі задзейнічаў некалькіх пасярэднікаў, але ўсё роўна быў выкрыты.

Следчымі распачата крымінальная справа. Працягваецца работа па ўстанаўленні іншых эпізодаў злачыннай дзейнасці затрыманага.