У Беларусі 28 мая раніцай і днём у многіх раёнах чакаецца ўзмацненне паўночна-заходняга ветру з парывамі 15-20 м/с, паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. Ноччу пераважна па ўсходняй палавіне краіны, днём на большай частцы тэрыторыі пройдуць кароткачасовыя дажджы. Днём у асобных раёнах прагрымяць навальніцы. Вецер прагназуецца паўночна-заходні 5-10 м/с, з парывамі да 14 м/с, ноччу месцамі, раніцай і днём у многіх раёнах з парывамі 15-20 м/с.
Тэмпература паветра ноччу складзе 4-9 градусаў цяпла, днём будзе 12-18 градусаў вышэй за нуль.
