Красавік прадоўжыў дзве галоўныя тэндэнцыі гэтага года: здзелак менш, чым у мінулым годзе, а цана «квадрата» ўсё вышэйшая. У красавіку зарэгістравана 200 здзелак з кватэрамі (без уліку долей). Гэта значна менш, чым у сакавіку (265), і роўна столькі ж, колькі было ў красавіку 2025 года.

Сярэдні кошт 1 кв.м па горадзе — $1054 (супраць $1041 за 1 кв.м у мінулым месяцы). Рост склаў 1,25 працэнта.

Акрамя таго, у камітэце прывялі статыстыку па пакаёвасці (продажы / цана за кв.м / дынаміка да сакавіка): 1-пакаёвых — 57 шт. за $1220 (плюс 2 працэнты), 2-пакаёвых — 87 шт. за $1127 (плюс 5 працэнтаў); 3-пакаёвых — 50 шт. за $980 (плюс 0,5 працэнта), 4-пакаёвых — 6 шт. за $889 (мінус 4 працэнты).

Самы дарагі «квадрат» — аднапакаёвая кватэра ў цагляным доме 1959 года пабудовы па вул. Леніна (гістарычны цэнтр) — $2095 за кв.м.

Самыя дарагія лоты: 1-пакаёвая (свабодная планіроўка, блочны дом 2025 года пабудовы, вул. Грандзіцкая): 96,6 кв.м — $99 тыс. ($1025 за кв.м), 2-пакаёвая (дом 2020 года пабудовы, вул. Лідская): 60,3 кв.м — $120 тыс. ($1989 за кв.м); 3-пакаёвая (цагляны дом 2018 года пабудовы, вул. Суворава): 77,1 кв.м — $123 тыс. ($1594 за кв.м); 4-пакаёвая (таўнхаус, м-н Пагараны, пр-д Калінавы): 99,2 кв.м — $98 тыс. ($991 за кв.м.).

Красавік паказаў: попыт перацякае ў якасць і лакацыю (выпадак з $2095 на вул. Леніна — яркае пацвярджэнне). Пакупнікі сталі больш пераборлівыя, прадаўцы трымаюць цэны.