Станіслаў Юрэцкі адзначыў, што сустрэча з кіраўніком дзяржавы па пытаннях развіцця навукі прайшла ў адкрытай атмасферы. Прэзідэнт засяродзіў увагу на крытычных аспектах дзейнасці навуковых арганізацый і, у першую чаргу, Нацыянальнай акадэміі навук. 

«Галоўным чынам гэта тычылася неабходнасці працаваць для патрэб рэальнага сектара эканомікі, для патрэб нашай краіны і ўсяго грамадства. Нам, навукоўцам, варта прызнаць, што крытыка, якая прагучала на нарадзе, носіць справядлівы характар. Краіна ўкладвае значныя рэсурсы ў навуку, таму кіраўнік дзяржавы, як і ўвесь беларускі народ, мае права патрабаваць ад нас прарыўных распрацовак і рэальных практычных вынікаў», — сказаў Станіслаў Юрэцкі.

У якасці ўдзельніка нарады ён упэўнены, што вучонымі агучаная крытыка прынята і ўжо служыць арыенцірам па пераадоленні існуючых негатыўных тэндэнцыі.

«Як вучоны-гісторык магу сказаць за нашу гуманітарную навуку. Прэзідэнт справядліва спытаў, дзе мы былі ў 2020 годзе? І зараз мы разумеем, што павінны больш актыўна адстойваць нацыянальна-дзяржаўныя інтарэсы, працаваць на ўмацаванне асноў нашага грамадства і дзяржавы. Краіна мае патрэбу ў нашых працах, якія раскрываюць асновы беларускай дзяржаўнасці і выхоўваюць патрыятызм», — адзначыў Станіслаў Юрэцкі.

Вучоны адзначыў: цяпер ёсць усведамленне, што гісторыкі знаходзяцца на пярэднім краі ідэалагічнага фронту і павінны прыкласці ўсе намаганні па адстойванні інтарэсаў беларускага народа.

«Упэўнены, што на чале з новым кіраўніцтвам Акадэміі навук мы пераадолеем існуючыя праблемы і будзем працаваць так, як гэта справядліва патрабуе ад нас прэзідэнт», — сказаў на заканчэнне ён.