«Кожны дзень праз аэрапорт праходзяць тысячы пасажыраў. Здараецца, што ў спешцы людзі пакідаюць асабістыя рэчы ў залах чакання, пунктах надгляду або ў іншых зонах аэравакзала. Усе знойдзеныя прадметы правяраюцца службай авіяцыйнай бяспекі і надзейна захоўваюцца да сустрэчы з уладальнікам», — адзначылі ў аэрапорце.

Звычайныя рэчы (адзенне, гаджэты, кнігі, сумкі і інш.) перадаюцца ў камеру захоўвання. Яна знаходзіцца ў зоне прылёту, сектар 5-6 (цокальны паверх). Дакументы і пашпарты перадаюцца ў дзяжурную часць міліцыі, якая размешчана ў левым крыле аэравакзальнага комплексу. Кантактныя тэлефоны — +375 17 279 10 02, +375 29 863 70 59, адзіны нумар тэлефона 102.

Калі рэч засталася на борце самалёта (у крэсле, кішэні, на паліцы), то варта звярнуцца ў авіякампанію.

Каб забраць забытую рэч з камеры захоўвання, трэба звярнуцца асабіста ў камеру захоўвання або патэлефанаваць па нумары +375 17 279 10 53. Важна назваць дату, прыкладныя месца страты і падрабязнае апісанне прадмета, прад’явіць дакумент, які сведчыць асобу, каб забраць знаходку.

Калі пасажыр выявіў безгаспадарны прадмет, варта праявіць уважлівасць. «Не чапайце яго і не карыстайцеся побач з ім мабільным тэлефонам, а адразу паведаміце супрацоўніку аэрапорта або прадстаўніку праваахоўных органаў», — расказалі ў аэрапорце.

Пасажыраў просяць не пакідаць рэчы без нагляду, не давяраць іх выпадковым знаёмым. «Перыядычна правярайце, што ўсе рэчы на месцы. Калі зараджаеце тэлефон у агульнадаступнай разеткі — не адыходзьце ад яго», — дадалі ў аэрапорце.