Галоўны ўніверсітэт краіны запрашае на пазнавальныя сустрэчы ўсіх жадаючых выпускнікоў беларускіх школ, гімназій, ліцэяў і каледжаў. Для гэтага неабходна папярэдне зарэгістравацца па спасылцы.

У чым незвычайнасць мерапрыемства? — Суправаджаць школьнікаў на працягу яго будуць студэнты спецыяльнасцяў педагагічнага профілю БДУ. Гэта дазволіць наладзіць не толькі жывы дыялог моладзі, але і дапаможа знізіць хваляванне і псіхалагічнае напружанне абітурыентаў. У зносінах з аднагодкамі школьнікі змогуць пачуць ўсю цікавую для іх інфармацыю пра асаблівасці і новаўвядзенні цяперашняй уступнай кампаніі, магчымасці льготнага паступлення ў вядучы беларускі ўніверсітэт. Ім таксама раскажуць, як вучобу ва ўніверсітэта зрабіць не толькі карыснай, але і цікавай, і выдадуць сакрэты перавагах навучання ў БДУ па педагагічным кірунку перад профільнымі ВНУ. 

Нагадаем, з гэтага навучальнага года павялічаны набор і колькасць бюджэтных месцаў на спецыяльнасці педагагічнага профілю. Гэта рашэнне датычыцца падрыхтоўкі спецыялістаў па прыродазнаўча-навуковых прадметах на фізічным, механіка-матэматычным, хімічным і біялагічным факультэт. Акцэнт у падрыхтоўцы спецыялістаў-выкладчыкаў будзе зроблены на вывучэнні фундаментальных дысцыплін, псіхалогіі і педагогікі, улічваючы сучасныя інавацыйныя падыходы ў рабоце з вучнямі, а таксама на падрыхтоўцы навучэнцаў да ўдзелу ў алімпіядным руху, навуковых конкурсах і канферэнцыях. Важнай перавагай для абітурыентаў, якія плануюць паступаць на спецыяльнасці педагагічнага профілю, з’яўляецца магчымасць залічэння без экзаменаў. Такое права прадастаўляецца пераможцам абласнога этапу рэспубліканскай алімпіяды па вучэбных прадметах, медалістам, выпускнікам педагагічных і інжынерных класаў.