Мінчан і гасцей сталіцы запрашаюць на Дзень пажарнай службы Беларусі 26 ліпеня, паведамляе карэспандэнт агенцтва «Минск-Новости».
Свята пачнецца ў 11.00 на пл. Перамогі з ускладання кветак да манумента Перамогі.
Далей у Цэнтральным дзіцячым парку ім. М. Горкага пройдзе насычаная навучальна-забаўляльная праграма. Запланаваны плац-канцэрт узвода ганаровай варты і дэфіле зводнага духавога аркестра МНС, адбудуцца паказальныя выступленні вадалазна-выратавальнай службы і водная феерыя. Каманды МНС Беларусі і Расіі правядуць таварыскі футбольны матч.
Акрамя таго, будуць працаваць пляцоўкі з конкурсамі і актыўнымі гульнямі для дзяцей і дарослых, выстава рарытэтнай і сучаснай пажарнай аварыйна-выратавальнай тэхнікі. Таксама наведнікаў чакае канцэрт.
