Судовыя выканаўцы арыштавалі і канфіскавалі ў мясцовай транспартнай кампаніі дзесяць аўтамабіляў Volkswagen Polo і Skoda Rapid 2019-2020 гадоў выпуску.

«Такая мера была прынятая ў рамках выканання судовага рашэння аб спагнанні значнай запазычанасці перавозчыка перад фізічнымі асобамі. Асноўную частку доўгу — каля Br140 тыс. — склала кампенсацыя маральнай шкоды ў рамках крымінальнай справы па ч. 2 арт. 317 КК. Па рашэнні суда грошы атрымаюць сваякі жанчыны, якая загінула на дарозе па віне кіроўцы таксі», — растлумачылі ў галоўным упраўленні юстыцыі Гомельскага аблвыканкама.

Аўто ўжо прайшлі працэдуру ацэнкі і былі размешчаны на электронных таргах. Чакаецца, што атрыманыя ад іх продажу сродку пакрыюць большую частку запазычанасці.