Праваахоўнікі далі рэкамендацыі, як пазбегнуць трагедыі.

«Дзеці не адчуваюць небяспекі, абапіраючыся на маскітныя сеткі пры адкрытым акне, яны проста гуляюць і спазнаюць свет», — растлумачылі ў МУС.

Праваахоўнікі нагадваюць бацькам, што выкананне простых правіл дапаможа пазбегнуць бяды. У МУС раяць устанавіць блакіратары на вокны, таксама трэба адсунуць ад вокнаў усю мэблю.

Таксама нельга пакідаць дзяцей без нагляду, нават на хвіліну. Не варта дазваляць дзіцяці самастойна падыходзіць да адчыненага акна без суправаджэння дарослых.

«Будзьце пільныя і памятайце, што ў вашых маленькіх анёлаў няма крылаў! Зрабіце ўсё для таго, каб дзеці былі ў бяспецы», — падкрэслілі ў МУС.