«Сацыяльная сфера — гэта той пункт судакранання, які можа звязаць усё астатняе. Таму што дзеці плачуць на адной мове, людзі смяюцца на адной мове. І мы заўсёды тут разумеем, што сацыяльныя поспехі цікавыя для ўсіх. І праблемы ва ўсіх адны і тыя ж», — падкрэсліла Наталля Пяткевіч.

Паводле яе слоў, у гуманітарнай сферы краінам СНД удалося захаваць добры трэк супрацоўніцтва яшчэ з часоў існавання Савецкага Саюза, хоць цяпер пра гэта часам мала ведаюць ці мала гавораць. «Цяпер нават у чымсьці ідзе вяртанне, — адзначыла віцэ-прэм’ер. — У нас, дапусцім, ёсць пытанні па рэгістрацыі лекавых прэпаратаў. Але калі пачынаеш кропкава працаваць з калегамі, то знаходзіш агульныя падыходы. Нялёгка. І не таму, што тут нейкая палітыка. Кожная краіна ідзе па шляху развіцця нацыянальнага вытворцы і абароны інтарэсаў».

Але ў цэлым, упэўнена Наталля Пяткевіч, гуманітарны трэк і сацыяльная сфера ў супрацоўніцтве засталіся на ранейшым высокім узроўні. Пры гэтым тыя ці іншыя напрамкі, магчыма, маюць патрэбу ў большай дынаміцы. Напрыклад, узаемадзеянне ў сферы культуры. «Нават вось з Туркменістанам мы гаварылі і на тэму кінавытворчасці. Ім гэта цікава, нам гэта цікава. Мы гэта абмяркоўваем і з іншымі калегамі — Узбекістанам, Казахстанам, якія робяць поспехі і зацікаўлены ў нашым вопыце», — расказала яна.