— Прэзідэнт уважліва прааналізаваў падрыхтаваныя рабочай групай матэрыялы і адзначыў, што «на фінансаванне навуковых даследаванняў траціцца шмат дзяржаўных сродкаў, а належнай аддачы мы не бачым. Ёсць толькі кропкавыя станоўчыя вынікі без шырокага ўкаранення ў галіны эканомікі. Сёння гэтага відавочна недастаткова», — нагадаў суразмоўца. 

Ён падкрэсліў, што заўвага справядлівая і больш чым своечасовая:

— Беларусь атрымала ў спадчыну ад Савецкага Саюза магутны навуковы патэнцыял, прадстаўлены акадэмічнымі, універсітэцкімі і галіновымі навуковымі арганізацыямі. У навуковай галіне працуюць тысячы супрацоўнікаў, якія ствараюць навуковую прадукцыю, прызнаную ва ўсе свеце. Дзяржава шчодра фінансуе правядзенне навуковых распрацовак, маральна і матэрыяльна падтрымлівае вядучых прадстаўнікоў навуковай супольнасці, якімі атрыманы вынікі, значныя для эканамічнай і сацыяльнай сферы. 

Разам з тым, звяртае ўвагу суразмоўца, само жыццё патрабуе «прызямлення» навуковых пошукаў і правядзення даследаванняў з улікам асаблівасцяў эканамічнага і грамадска-палітычнага развіцця нашай краіны ва ўмовах знешніх выклікаў і пагроз:

— Напрыклад, мы паступальна асвойваем рынкі краін глабальнага Поўдня, пастаўляем туды якасную прадукцыю, у якой зацікаўлены спажыўцы. Пра гэта неаднаразова афіцыйна заяўлялі лідары і прадстаўнікі афрыканскіх і азіяцкіх краін, з якімі Беларусь развівае ўзаемавыгадныя гандлёва-эканамічныя адносіны. Аднак варта прызнаць, што сур’ёзную канкурэнцыю нам складаюць карпарацыі з іншых высокаразвітых у навукова-тэхналагічным плане дзяржаў свету, у тым ліку і з дружалюбных. Такім чынам, каб вытрымаць саперніцтва, захаваць і пашырыць рынкі, нам неабходна ў апераджальным тэмпе максімальна выкарыстоўваць навуковы патэнцыял для выпуску прадукцыі новага пакалення, тавараў «заўтрашняга дня», асартымент якіх па цане і якасці на "ўра зойдзе" афра-азіяцкаму (і не толькі) спажыўцу. Іншага шляху цывілізацыйнага развіцця ў нас проста няма. 

Таму, робіць выснову парламентарый, на аснове глыбінных дасягненняў фундаментальнай навукі неабходныя і прынцыповыя тэхніка-тэхналагічныя прарывы ў прыкладных даследаваннях з далейшай манетызацыяй атрыманых вынікаў. 

— Навука павінна так паўплываць на развіццё ўсіх сфер эканомікі, каб забяспечыць прагрэс усіх яе сістэм. Іншымі словамі, навуковыя высновы, прапановы і рэкамендацыі вучоных павінны падняць краіну на якасна новы ўзровень інтэнсіўнага развіцця ва ўсіх жыццёва важных сферах, — падсумоўвае Алег Дзячэнка.