Праграма «Гукі з Алімпу» сімвалічная: вечар будзе прысвечаны памяці выбітнага піяніста, народнага артыста СССР Мікалая Пятрова. Галоўным госцем і салісткай праграмы стане сусветна вядомая піяністка Ніна Каўтарадзэ — аўтар аднайменнай кнігі-бэстсэлера, асобная частка якой прысвечана Мікалаю Пятрову.

Гледачы пачуюць канцэрт № 4 соль мажор для фартэпіяна з аркестрам Людвіга ван Бетховена — адно з самых глыбокіх і лірычных твораў кампазітара, якое па праве лічыцца выканальніцкай візітнай карткай Ніны Каўтарадзэ. Прагучыць таксама Рэквіем рэ мінор Вольфганга Амадэя Моцарта — містычны і велічны твор для салістаў, хору і аркестра. Для яго манументальнага ўвасаблення на філарманічнай сцэне аб’яднаюцца некалькі вядучых творчых сіл краіны — Дзяржаўны камерны хор і камерны аркестр Беларускай дзяржаўнай акадэміі музыкі.

«Унікальная праграма звязвае разам літаратуру, асабістую гісторыю і музычную спадчыну эпохі. Ніна Каўтарадзэ падзеліцца са слухачамі не толькі бездакорным музычным майстэрствам, але і жывымі ўспамінамі пра Мікалая Пятрова», — падсумавалі ў Белдзяржфілармоніі.

Праграма пачнецца ў 19.00.