Калегія Еўразійскай эканамічнай камісіі (ЕЭК) прыняла рашэнне ўстанавіць нулявую стаўку ўвазной мытнай пошліны ў адносінах да марганцавых руд і канцэнтратаў тэрмінам па 31 жніўня 2028 года ўключна. Аб гэтым БелТА паведамілі ў гандлёвым блоку ЕЭК.
«Згаданыя тавары з’яўляюцца асноўнай сыравінай для вытворчасці марганцавых сплаваў, якія выкарыстоўваюцца ў чорнай металургіі пры вырабе сталей у якасці раскісляльніку, а таксама легіравальнай дабаўкі», — пракаменціраваў рашэнне дырэктар Дэпартамента мытна-тарыфнага і нетарыфнага рэгулявання ЕЭК Ваагн Казаран.
Ён растлумачыў, што абнуленне ўвазной мытнай пошліны на марганцавыя руды і канцэнтраты акажа садзейнічанне металургічным прадпрыемствам краін Еўразійскага эканамічнага саюза за кошт павышэння загружанасці іх вытворчых магутнасцяў, арганізацыі выпуску больш высокамаржынальнай прадукцыі і павелічэння яе канкурэнтаздольнасці на ўнутраным і знешнім рынках.
