На чарговым пасяджэнні Савета ЕЭК у фармаце відэаканферэнцсувязі разгледжаны пытанні ў сферах лічбавага супрацоўніцтва, гандлёвых пагадненняў з партнёрамі з трэціх краін, тэхнічнага, мытнага рэгулявання, тарыфных ільгот, маркіроўкі і іншыя.

У першую чаргу абмеркаваны пытанні, звязаныя з падрыхтоўкай пасяджэння Вышэйшага Еўразійскага эканамічнага савета, запланаванага да правядзення ў 28-29 мая ў Астане (Рэспубліка Казахстан). Па выніках адобраны праект парадку дня з 18 пытанняў.

Савет ЕЭК адобрыў даклады камісіі аб выніках выканання стратэгічных напрамкаў развіцця еўразійскай эканамічнай інтэграцыі да 2025 года, рэалізацыі планаў лібералізацыі па асобных сектарах паслуг у рамках ЕАЭС, яго асноўных напрамкаў міжнароднай дзейнасці на 2025 год.

«Падтрыманы шэраг ініцыятыў беларускага боку: унесены змяненні ў правілы вызначэння краіны паходжання асобных відаў тавараў для мэт дзяржаўных (муніцыпальных) закупак, зацверджаныя рашэннем Савета ЕЭК ад 23 лістапада 2020 года № 105. У прыватнасці, прадугледжваецца дапаўненне правілаў пазіцыяй кабелі валаконна-аптычныя з умовамі вытворчасці і шэрагам таварных пазіцый з магчымасцю доступу па сертыфікаце СТ-1 (вяроўкі, ліны і тросы з поліэтылену або поліпрапілену, з нейлону або іншых поліамідаў або поліэфіраў; надглядныя рэнтгенаўскія ўстаноўкі і рэнтгенаўскія сістэмы неразбуральнага кантролю, якія не прымяняюцца ў медыцынскіх мэтах). Змены дазволяць забяспечыць бесперашкодны доступ да дзяржзакупак дзяржаў-членаў таварамі вытворцаў, якія ўносяцца ў правілы таварных найменняў шляхам пацвярджэння краіны паходжання з дапамогай выканання ўмоў вытворчасці альбо атрымання сертыфіката формы СТ-1», — паведамілі ў прэс-службе.

Прадастаўлена тарыфная льгота ў выглядзе вызвалення ад выплаты ўвазной мытнай пошліны на асобныя віды модуляў святлодыёдных (LED), прызначаныя для вытворчасці лямпаў святлодыёдных (LED). Рашэнне накіравана на павелічэнне загрузкі вытворчых магутнасцяў нацыянальных прадпрыемстваў, зніжэнне сабекошту вытворчасці гатовых вырабаў і павышэнне іх канкурэнтаздольнасці на ўнутраным і знешнім рынках ЕАЭС.

Падоўжаны да 1 ліпеня 2027 года тэрмін рэалізацыі эксперыменту па ўжыванні навігацыйных пломбаў у дачыненні да лесаматэрыялаў і прадукцыі дрэваапрацоўкі, змешчаных пад мытную працэдуру экспарту ў Рэспубліцы Беларусь, што перамяшчаюцца па тэрыторыі Расійскай Федэрацыі аўтамабільным транспартам у мэтах наступнага выбыцця з мытнай тэрыторыі ЕАЭС.

Савет ЕЭК прыняў рашэнні, якія ўстанаўліваюць уніфікаваныя правілы маркіроўкі сродкамі ідэнтыфікацыі ў дачыненні да асобных відаў будаўнічых матэрыялаў у спажывецкай упакоўцы, лакафарбавай прадукцыі, цацак і гульняў для дзяцей, растваральных і(або) заварвальных напояў. У беларускіх экспарцёраў з’явяцца прававыя падставы для атрымання кодаў маркіроўкі замежнага ўзору ў РУП «Выдавецтва «Белбланкавыд». Маркіроўка дазволіць спажыўцам пераканацца ў сапраўднасці прадукцыі, а таксама павысіць канкурэнтаздольнасць добрасумленных удзельнікаў рынку за кошт памяншэння незаконнага абароту.

У пасяджэнні Савета ЕЭК у фармаце відэаканферэнцсувязі прыняла ўдзел намеснік Прэм’ер-міністра Наталля Пяткевіч.