На Мінскім трактарным заводзе за перыяд з 1 чэрвеня 2025 года па 30 мая 2026 года эканамічны эфект ад укаранення рацыяналізатарскіх прапаноў склаў амаль 1 млн рублёў. Аб гэтым расказала начальнік бюро рацыяналізацыі і вынаходніцтва ААТ «МТЗ» Юлія Паўлюшчэнка, паведамілі БелТА ў прэс-службе МТЗ.
«На Мінскім трактарным заводзе штогод падводзяцца вынікі ўкаранення рацыяналізатарскіх прапаноў. Ва ўмовах такой маштабнай вытворчасці праца аўтараў інавацыйных ідэй прыносіць значны эканамічны эфект. За справаздачны перыяд у вытворчасць было ўкаранёна каля 600 рацпрапаноў, і сумарны эканамічны эфект склаў 996 тыс. рублёў», — расказала Юлія Паўлюшчэнка.
Паводле яе слоў, кожны месяц завод атрымлівае ад супрацоўнікаў дзясяткі рацыяналізатарскіх прапаноў.
