Мерапрыемства стане платформай для абмеркавання актуальных стратэгій і практык выхаду беларускіх вытворцаў на ўсё большы рынак Цэнтральнай Азіі. «На фоне зменлівай сусветнай эканомікі, глабальнай перабудовы ланцужкоў паставак важнасць супрацоўніцтва Беларусі з краінамі Цэнтральнай Азіі, якія дэманструюць дынамічны эканамічны рост, усё больш узрастае, ствараючы новыя магчымасці для айчыннага экспарту і дыверсіфікацыі рынкаў. Форум-практыкум дасць магчымасць абмеркаваць перспектыўныя напрамкі і існуючыя бар’еры ў гандлі, атрымаць пакрокавы інструментарый ад эксперта-практыкаў па выхадзе на рынкі Казахстана, Узбекістана, Таджыкістана, Туркменістана і Кыргызстана», — адзначыў Валерый Лабун.

Чакаецца, што форум аб’яднае больш за 150 прадстаўнікоў бізнесу, айчынных і замежных экспертаў з вопытам работы з краінамі Цэнтральна-Азіяцкага рэгіёна ў розных сферах. Беларускім кампаніям пакажуць зразумелы шлях выхаду на рынкі Узбекістана, Казахстана, Кыргызстана, Таджыкістана і Туркменістана. Эксперты падкажуць, як выбраць нішу, пераадолець бар’еры, выбраць партнёра, выйсці на ўстойлівы экспарт з мінімальнымі рызыкамі.

Арганізатарам мерапрыемства выступае Брэсцкае аддзяленне Беларускай гандлёва-прамысловай палаты пры падтрымцы БелГПП.