Узяўшы пазітыўны старт у першым квартале, эканоміка Кітая працягвае ўпэўнена развівацца. Аб гэтым заявіў супрацоўнік Дзяржаўнага камітэта па справах развіцця і рэформаў КНР Дзін Лін, перадае «Сіньхуа».

Ён адзначыў, што, нягледзячы на складаную знешнюю абстаноўку, эканоміка Кітая выстаяла перад ціскам. Характэрна, што прамысловая вытворчасць, сектар паслуг, унутраны попыт і экспарт прадэманстравалі больш хуткія тэмпы росту.

Падкрэсліўшы высокую інавацыйную актыўнасць у Кітаі, Дзін Лін адзначыў, што ў красавіку ў сектары высокатэхналагічнай вытворчасці краіны быў зафіксаваны 10-працэнтны рост, што амаль на 4 працэнтныя пункты вышэй, чым тэмпы росту агульнага аб’ёму прамысловай вытворчасці.

Адзначаецца і паскоранае развіццё такіх галін, як беспілотныя лятальныя апараты, транспартныя сродкі на новых крыніцах энергіі, штучны інтэлект і чалавекападобныя робаты. «У цэлым, па меры хуткага ўкаранення мер па стымуляванні эканамічнага росту, іх эфект будзе праяўляцца і ў далейшым, садзейнічаючы высакаякаснаму развіццю эканомікі краіны», — рэзюмаваў эксперт.

Як вядома, па сёлета выніках першага квартала ВУП Кітая вырас на 5,4 працэнта ў гадавым вылічэнні.