«МАПІД» працягвае мадэрнізацыю сваіх прамысловых прадпрыемстваў, у прыватнасці яна была праведзена на СУ-246 (спецыялізаваным упраўленні. — Заўвага БелТА). «Мадэрнізавана адна лінія — дзявяты пралёт, другая лінія — восьмы пралёт. Выканана тэхнічная мадэрнізацыя, устаноўлена новае абсталяванне. Гэта абсталяванне дае магчымасць нам прымяняць гнуткую тэхналогію», — адзначыў Генадзь Болцік.

Ён падкрэсліў, што мяняецца наменклатура вырабаў. «Праектнае ўпраўленне можа прапанаваць розныя планіроўкі заказчыкам, не тыпавыя. У нас тры тыпавыя серыі, але мы можам іх відазмяніць з улікам хуткай, гнуткай тэхналогіі выпуску. Напрыклад, можам замяніць адны вырабы з рознымі габарытамі на іншыя, — расказаў ён. — Будзем прадаўжаць гэту мадэрнізацыю».

На 2026–2027 гады запланавана мадэрнізацыя арматурнага цэха з прымяненнем сучаснага энергаэфектыўнага абсталявання, падзяліўся планамі Генадзь Болцік.

Акрамя таго, ААТ «МАПІД» распрацаваны праект дома з высокім класам энергаэфектыўнасці А. «Гэта шматкватэрны жылы дом, двухсекцыйны, на стылабаце з убудаваным паркінгам на 5,8 тыс. кв. м. Праект гатовы, думаю, рэалізуем яго, калі атрымаем пляцоўку», — адзначыў Генадзь Болцік. Намеснік генеральнага дырэктара растлумачыў, што клас, А (самы высокі) дае магчымасць эканоміць да 60 % цяпла. Клас Б — гэта эканомія цяпла на 30–40 %.