Сейсмічная актыўнасць была зафіксаваная падчас канцэрта амерыканскага гурта Metallica ў Афінах, паведаміла газета Ekathimerini са спасылкай на даныя Афінскага геадынамічнага інстытута, перадае ТАСС.

Адзначаецца, што канцэрт Metallica, які прайшоў 9 мая на Алімпійскім стадыёне ў прыгарадзе Афін, наведалі больш за 80 тыс. чалавек.

Сейсмолагі назвалі гэтыя нязначныя падземныя штуршкі «канцэртным землятрусам», выкліканым узгодненымі скачкамі натоўпу на мерапрыемстве.