У гэтым годзе экспарт турыстычных паслуг у Беларусі плануюць павялічыць на 18%. Аб гэтым расказала намеснік дырэктара дэпартамента па турызму Міністэрства спорту і турызму Кацярына Ганчаронак, паведамляе БелТА. 

«Самы асноўны паказчык — экспарт турыстычных паслуг. Уязны турызм — гэта прыярытэтны напрамак развіцця турызму. Тэмп яго росту ў мінулым годзе склаў 128,4 працэнта і перасягнуў нават паказчыкі, якія былі да пандэміі. Да пандэміі рэкордны ўзровень экспарту быў $266 млн», — адзначыла яна.

За тры месяцы 2025 года таксама назіраецца прырост экспарту турпаслуг — больш як на 20 працэнтаў. Па выніках года плануецца павялічыць экспарт на 18 працэнтаў.