«Сучаснае беларускае мастацтва актыўна развіваецца дзякуючы маладым жанчынам-мастачкам, куратарам і даследчыкам, што надае яму ўсё больш жаночае аблічча. Гэтая тэндэнцыя, верагодна, працягне ўзмацняцца ў будучыні. Разам мы робім дзіўную справу — мы прэзентуем, адраджаем, развіваем наша беларускае мастацтва і падымаем яго імідж у сусветнай прасторы. Вельмі прыемна, калі нашы беларускія жанчыны перамагаюць на міжнародных конкурсах і прадстаўляюць Беларусь на прэстыжных арт-пляцоўках», — расказала Алеся Іназемцава.

Яна акцэнтавала ўвагу на тым, што жаночы погляд на традыцыйныя, нават на цяжкія, тэмы для краіны, напрыклад на тэму вайны і генацыду, — гэта ўнікальнае аўтарскае бачанне. «Жанчыны шукаюць новыя падыходы, новыя сюжэты праз прызму дзяцінства, праз прызму мацярынства. На мой погляд, жаночае мастацтва — больш стваральнае, больш пазітыўнае. Галоўны прынцып творчасці — жыццёвы аптымізм», — канстатавала намеснік дырэктара.

Нацыянальны цэнтр сучасных мастацтваў з’яўляецца арганізатарам пленэра маладых мастакоў. «Мы бачым заканамерную тэндэнцыю павелічэння долі актыўнага ўдзелу дзяўчат у выставачнай і куратарскай дзейнасці. Калі ў першыя гады доля дзяўчат складала 42 %, потым — 63 %. У апошнія два гады больш за 80 % удзельнікаў пленэра — гэта маладыя таленавітыя мастачкі», — праінфармавала Алеся Іназемцава.